გულძმარვა - წარმოადგენს კუჭ-ნაწლავის ტრაქტის ყველაზე გავრცელებულ სიმპტომს

გულძმარვა – მდგომარეობა, რომელსაც ახასიათებს წვა გულმკერდის არეში, რომელიც ვრცელდება კუჭიდან ზედა მხარეს და ზოგჯერ ყელშიც ამოდის. წარმოადგენს კუჭ-ნაწლავის ტრაქტის ყველაზე გავრცელებულ სიმპტომს.

მიზეზები


გულძმარვა ვითარდება კუჭის მჟავე წვენის საყლაპავში გადასვლის შედეგად. მისი წარმოქმნის მიზეზებია:


·         ზედმეტი ჭამა, მოსიარულე მდგომარეობაში ჭამა, ცუდი ღეჭვა;


·         შოკოლადის, ცხიმიანი, ტკბილი საკვების ჭარბად მიღება;


·         ზედმეტად ცივი ან ცხელი საკვების მიღება;


·         ჭარბი წონა;


·         მოწევა;


·         ცხარე და ტკბილი საკვების ხშირად მიღება;


·         სტრესული სიტუაციები;


·         ზოგიერთი სამკურნალო პრეპარატის ხანგრძლივად მიღება (სალიცილის მჟავა);


·         ჭამის შემდეგ ფიზიკური დატვირთვა;


·         საყლაპავის დიაფრაგმის ხვრელის თიაქარი.

სიმპტომები


დაავადებისთვის დამახასიათებელია შემდეგი სახის სიმპტომები:


·         საყლაპავსა და გულმკერდის არეშე წვა;


·         მჟავა რეგურგიტაცია;


·         პირში მწარე, მომჟაო გემო;


·         ხველა, ყელის წვა და ტკივილი (ჩვეულებრივ იწყება საკვების მიღებიდან 30 წუთის შემდეგ, ძლიერდება დახრილ და ჰორიზონტალურ მდგომარეობაში).

დიაგნოსტიკა


დაავადების მკურნალობის დასადგენად ექიმი-გასტროეტეროლოგი ატარებს:


·         საერთო დათვალიერებას;


·         სისხლის, შარდის საერთო ანალიზს;


·         ეზოფაგოგასტროსკოპიას;


·         კუჭნაწლავის ტრაქტის ზედა ნაწილის რენტგენოკონტრასტულ გამოკვლევას;


·         საყლაპავის რინომეტრიას;


·         საყლაპავის მონომეტრიას.

მკურნალობა


მკრუნალობა მოიცავს:


·         ანტაციდურ პრეპარატებს;


·         ალგინატებს;


·         ანტისეკრეტორულ პრეპარატებს;


·         პროკინეტიკებს;


·         დიეტის დაცვას.

დიეტა


მკურნალობის დროს საკვებიდან უნდა გამოირიცხოს:


·         ცხიმიანი, ცხარე, ტკბილი საკვები;


·         ყავა, ალკოჰოლი, გაზიანი სასმელები და წვენები.


რეკომენდირებულია:


·         რძე, ხაჭო;


·         ფაფები;


·         მოხარშული პროდუქტი.


საკვების მიღება უნდა მოხდეს პატარა ულუფებით, დღეში 4-5-ჯერ, ბოლო კვება დაძინებამდე 2-3 საათით ადრე.

საშიშროება


თუ არ მოხდება დაავადების დროული მკურნალობა არსებობს შემდეგი გართულებების განვითარების საშიშროება:


·         საყლაპავის წყლული;


·         საყლაპავის დაზიანებული ადგილებიდან სისხლდენა;


·         ბარეტის საყლაპავი (საყლაპავის ლორწოვანი გარსის ქსოვილების ცვლილება);


·         საყლაპავის კიბო.

პროფილაქტიკა


რეკომენდირებულია:


·         რაციონალური კვება, ზედმეტი ჭამისგან თავის შეკავება;


·         დიდი ბალიშის გამოყენება ძილის დროს;


·         სხეულის მასის გაკონტროლება;


·         ზედმეტად მოჭერილ სამოსზე უარის თქმა, ასევე არ მოიჭიროთ ქამარი;


·         წელიწადში მინიმუმ ერთხელ ენდოსკოპიური გამოკვლევის ჩატარება.
https://shenipulsi.ge/2024/04/01/%e1%83%92%e1%83%a3%e1%83%9a%e1%83%ab%e1%83%9b%e1%83%90%e1%83%a0%e1%83%95%e1%83%90/